Адæмы удæнцойæн

Республикæйы медицинон куыстуæттæ кæрæдзиимæ дих кæнынц сæ фæлтæрдзинадæй. Цæгат Ирыстоны æххæст кæнынц пилотон проект. Уый руаджы бæрæг кæнынц æнæниздзинад хъахъхъæныны организациты куысты хæрзхъæддзинад. Ацы къабазы фыдæбонгæнджытæ сæ куысты хатдзæгтæй кæрæдзиимæ дих кæнынц. Уый фыццаг бафæлвæрдтой 1-æм æмæ 7-æм поликлиникæйы дохтыртæ. Ныр сæрмагонд системæйы руаджы рынчыны рады лæууын нал хъæуыдзæн. Уайтагъд иу æй барвитдзысты хъæугæ специалистмæ. Фыццаг ахæм семинары уыд республикæйы æнæниздзинад хъахъхъæныны министр Годжыцаты Тамерлан. Уый куыд бафиппайдта, афтæмæй ацы мадзалттæ пайда сты медицинон лæггæдты хъæрзхъæддзинад фæбæрзонддæр кæнын. Проекты поликлиникæтæй уæлдай ма архайдзысты Республикон клиникон æмæ тагъд æххуысы рынчындæттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv