Октябрскæйы бындуронæй цалцæг кæнынц 1-æм æмæ 2-æм скъолатæ
Октябрскæйы фыццæгæм æмæ дыккæгæм скъолатæ сарæзтой ивгъуыд æнусы кæрон. Уæдæй нырмæ дзы цалцæггæнæн куыстытæ нæ цыд. Фæстаг азты бæстыхæйттæ бынтон заууатмæ æрцыдысты. «Ахуырады системæйы скъолаты модернизацийы» федералон программæйы фæлгæты ахуыргæнæндæтты рацарæзт райдыдта. Ног коммуникацитæ, кусæнгæрзтæ, сног дзы кæндзысты алцыдæр. Объекттæ кæд срæвдз уыдызысты, уый базыдта не сфæлдыстадон къорд. Спортивон залы рухсгæнæн системæ, актон залы ног сценæ. Октябрскæйы скъола йæ хуыз скалдта. Ам цалцæггæнæн куыстытæ нæ цыдысты 80-æм азтæй. «Ахуырады системæйы скъолаты модернизацийы» федералон программæмæ гæсгæ 1-æм мартъийæ нырмæ баивтой инженерон коммуникацитæ, бæстыхайæн сног кодтой йæ сæр æмæ æддаг бакаст. Куыстытæ æххæстгæнгæйæ фæзынд къуылымпыдзинæдтæ. Къулты æддаг цъар куы ракалдтой, уӕд рабæрæг, агъуыстыты астæу цы къултæ ис, уыдон агуыридуры цыппæрæм хæйттæй амад кæй сты,уый. Ахуыргæнæндоны къултӕ ахæм хуызы амадӕй ныууадзæн нæ уыд. Уымæ гæсгæ сæ ногæй самадтой. Ног ахуыры аз скъола раттынвæнд кæнынц. Октябрскæйы фыццæгæм скъолайы та цалцæг райдыдта ивгъуыд азы уалдзæджы. Бæстыхай сарæзтой 50 азы размæ. Рацаразын æй æвæстиатæй хъуыд. Цалцæггæнæн куыстытæ кæд кæронмæ фæхæццæ кæнынц, уӕддӕр дзы райгонд не сты. Директоры ныхæстæм гæсгæ, миддæг куыстытæм фау æрхæссæн нæй, фæлæ ӕнцойгæрæнтыл ныридæгæн згæ фæхæцыд, раковинæтæ та сæвæрдтой æрмæст райдиан кълæсты кабинетты. Скъолайы ахуыр кæны 800 адæймаджы. Ивгъуыд азы декабрæй ам уроктæ амонын райдыдтой. Къултæ сты хæфтытæ, асастой тæрхæджытæ æмæ дуæрттæ. Æппæт хъæндзинæдтæ аиуварс кæнынæй куыстытæ æххæстгæнæг зæрдæ æвæры. Сывæллæттæ нæ фидæн сты. Æмбæлгæ уавæрты зонындзинæдтæ исын ахсджиаг у. Уымæ гæсгæ цалцæггæнæн куыстытæ хъуамæ æххæстгонд цæуой бæстонæй.
Октябрскæйы фыццæгæм æмæ дыккæгæм скъолатæ сарæзтой ивгъуыд æнусы кæрон. Уæдæй нырмæ дзы цалцæггæнæн куыстытæ нæ цыд. Фæстаг азты бæстыхæйттæ бынтон заууатмæ æрцыдысты. «Ахуырады системæйы скъолаты модернизацийы» федералон программæйы фæлгæты ахуыргæнæндæтты рацарæзт райдыдта. Ног коммуникацитæ, кусæнгæрзтæ, сног дзы кæндзысты алцыдæр. Объекттæ кæд срæвдз уыдызысты, уый базыдта не сфæлдыстадон къорд. Спортивон залы рухсгæнæн системæ, актон залы ног сценæ. Октябрскæйы скъола йæ хуыз скалдта. Ам цалцæггæнæн куыстытæ нæ цыдысты 80-æм азтæй. «Ахуырады системæйы скъолаты модернизацийы» федералон программæмæ гæсгæ 1-æм мартъийæ нырмæ баивтой инженерон коммуникацитæ, бæстыхайæн сног кодтой йæ сæр æмæ æддаг бакаст. Куыстытæ æххæстгæнгæйæ фæзынд къуылымпыдзинæдтæ. Къулты æддаг цъар куы ракалдтой, уӕд рабæрæг, агъуыстыты астæу цы къултæ ис, уыдон агуыридуры цыппæрæм хæйттæй амад кæй сты,уый. Ахуыргæнæндоны къултӕ ахæм хуызы амадӕй ныууадзæн нæ уыд. Уымæ гæсгæ сæ ногæй самадтой. Ног ахуыры аз скъола раттынвæнд кæнынц. Октябрскæйы фыццæгæм скъолайы та цалцæг райдыдта ивгъуыд азы уалдзæджы. Бæстыхай сарæзтой 50 азы размæ. Рацаразын æй æвæстиатæй хъуыд. Цалцæггæнæн куыстытæ кæд кæронмæ фæхæццæ кæнынц, уӕддӕр дзы райгонд не сты. Директоры ныхæстæм гæсгæ, миддæг куыстытæм фау æрхæссæн нæй, фæлæ ӕнцойгæрæнтыл ныридæгæн згæ фæхæцыд, раковинæтæ та сæвæрдтой æрмæст райдиан кълæсты кабинетты. Скъолайы ахуыр кæны 800 адæймаджы. Ивгъуыд азы декабрæй ам уроктæ амонын райдыдтой. Къултæ сты хæфтытæ, асастой тæрхæджытæ æмæ дуæрттæ. Æппæт хъæндзинæдтæ аиуварс кæнынæй куыстытæ æххæстгæнæг зæрдæ æвæры. Сывæллæттæ нæ фидæн сты. Æмбæлгæ уавæрты зонындзинæдтæ исын ахсджиаг у. Уымæ гæсгæ цалцæггæнæн куыстытæ хъуамæ æххæстгонд цæуой бæстонæй.