Дзæуджыхъæуы цæуы скъоладзауты æппæтуæрæсеон олимпиадæйы муниципалон къæпхæн

Ахуырдзаутæн гæнæн ис сæ зонындзинæдтæ равдисын. Дзæуджыхъæуы цæуы скъоладзауты æппæтуæрæсеон олимпиадæйы муниципалон къæпхæн. Мадзал арæзт вæййы æрвылаз. Олимпиадæйы ис 19 дисциплинæйы. Йæ аразджытæ сты Дзæуджыхъæуы ахуырады управлени. Скъоладзаутæ абон сæхи бафæлвæрдтой литературæйæ. Сæ куыстытæн аргъ кодтой фæлтæрдджын ахуыргæнджытæ. Æппæты фылдæр сывæллæттæ бацархайдтой математикæ, уырыссаг æвзаг, физикæ, биологи æмæ æхсæнад зонынадæй. Æдæппæтæй олимпиадæйы архайынц 325 скъоладзауы. Мадзал аразджыты ныхæстæм гæсгæ, фæлварæнмæ сывæллæттæ сæхи бацæттæ кæнынц бæстонæй. Уæлахиздзаутæн та уый фæстæ Уæрæсейы уæлдæр ахуыргæнæндæтты райсынц лæвар. Олимпиадæйы муниципалон къæпхæн фæуыдзæн 29 ноябры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv