Дзæуджыхъæуы вагæттæ цалцæггæнæн заводæн сæ хъалонты уаргъ фæрогдæр кæндзысты

Дзæуджыхъæуы вагæттæ цалцæггæнæн заводæн сæ хъалонты уаргъ фæрогдæр кæндзысты. Уый тыххæй Цæгат Ирыстоны сæргълæууæг Битарты Вячеслав фехъусын кодта куыстуаты разамындимæ фембæлды рæстæг. Республикæйы сæргълæууæг хицауады уæнгтимæ бабæрæг кодта завод. Æркаст куыстадон фæзуæттæм. Йæ директор Хъесаты Валерий сæргълæууæгæн фехъусын кодта куыстуат фылдæрæй фылдæр продукци кæй уадзы. Апрелы бæлцæттæ ласæн федералон компанииимæ бафыстой сæрмагонд бадзырд. Уымæ гæсгæ сцалцæг кæндзысты 97 вагоны. Вагæттæ цалцæггæнæн заводы разамонæджы ныхæстæм гæсгæ фидæны аз дæр æнæ фыдæбонæй нæ уыдзысты. Уæрæсейы æвсæнфæндæгтæн сцалцæг кæндзысты 130 вагоны. Уыимæ ма гæнæн ис æмæ электропоездтæ дæр араздзысты. Ныртæккæ ацы хъуыддаджы тыххæй ныхас кæнынц «Уæрæсейы æвсæн фæндæгтимæ». Хъуыддаг куы сырæза уæд уæд завод мæйы æмгъуыдмæ цалцæг кæндзæн 30 электричкæйы. Уый руаджы ма фæзындзæн ног 150 куысты бынаты. Битарты Вячеслав куыд бафиппайдта, афтæмæй куыстуат хъæуы рацаразын. Республикæ цæттæ у заводæн баххуыс кæнынмæ, кæд уæрæсейы æвсæн фæндæгты дæлбар ис уæддæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv