Бехъаны кадджын уавæры байгом кодтой фелсырон-акушерон пункт

Бехъаны цæрджыты медицинон æххуыс исынмæ сыхаг районтæм цæуын нал хъæудзæн. Поселочы сарæзтой ног фелсырон-акушерон пункт. Байгом æй кодтой кадджын уавæры. Мадзалы архайдтой бынæттон цæрджытæ, администрацийы минæвæрттæ æмæ дзуапдæттæг министр Тебиаты Сослан. Раздæр ацы фелсырон пункты нырыккон кусæнгæрзтæ нæ, фæлæ дзы хуымæтæг хостæ дæр не ссардтаис. Калоты Зæлинæ Бехъаны медицинон куыстуаты иунæг специалист у. Сылгоймаг куыд радзырдта, афтæмæй ахæм хуызы уавæрты æнцон кусæн нæ уыд. Ныр хъуыддаг хуыздæры 'рдæм фæивта. Фыццаг æххуыс бакæнынæн фелсырон пункты ис æппæты нырыккондæр кусæнгæрзтæ. Хъуына æмæ скъуыдтæ къултæ, æмбыд пъолтæ. Ахæмæй хъуыды кæнынц цæрджытæ фелсырон пункт. Куыд зæгъынц, афтæмæй иу фæстаг рæстæг æххуысы фæдыл цыдысты сыхаг районтæм. Уыцы фадат та се 'ппæтæн нæ уыд. Бехъаны цæры 200 адæймагæй фылдæр. Ног фелсырон пункт нымайынц æцæг лæварыл. Ног фелсырон-акушерон пункт поселочы сарæзтой «Æнæниздзинадхъахъхъæнынад» национ проектмæ гæсгæ. Байгом æй кодтой кадджын уавæры. Мадзалы архайдтой дзуапдæттæг министр Тебиаты Сослан, бынæттон æмæ районы администрацийы минæвæрттæ, хъæуы цæрджытæ. Ведомствойы разамонæджы ныхæстæм гæсгæ, хæстæг рæстæг ам байгом кæндзысты афтек дæр. Министр ма куыд фæнысан кодта, афтæмæй районты медицинон æххуысы райрæрзтмæ уæлдай æргом здахынц. Уымæй уæлдай ма, ноггонд цæуы материалон-техникон бындур дæр. Афтæмæй, æрæджы районы сæйраг рынчындонæн самал кодтой КТ-аппарат. Ацы аз та ма дзы фæзындзæн æндæр ифтонггæрзтæ дæр.