Гран при нæхи фæци!

Нæ телеканал «Осетия-Ирыстон» та ногæй хуыздæрты номхыгъдмæ бахауд. Фæуæлахиз цыппæрæм æппæтуæрæсеон конкурс «Федерация»-йы. Нæ телеканалы кусджытæ цы киноныв систой «Большие осетины», зæгъгæ, уый схорзæхджын кодтой Гран-прийæ. Йæ автортæ сты Дзанайты Альбинæ æмæ Нæкуысаты Бэлæ. Конкурсы сæйраг лæвар нæ телеканалы минæвæрттæн радта зындгонд журналист Игорь Потоцкий. Национ телекомпанийы генералон продюсер Хъæрджынты Иринæ ракодта арфæйы ныхæстæ уæлахиздзаутæн. Стыр бузныг загъта мадзал аразджытæн, сæ куыстæн сын стыр аргъ кæй скодтой, уый тыххæй. Бафтаудзыстæм ма уый, æмæ конкурсы финалмæ нæ иннæ проекттæ дæр кæй рацыдысты. Поэтикон цикл «Сæдæ `нцойы» номинаци «Фыдæлты `взаджы», документалон цикл «Фæрдгуытæ» номинаци «Бинонтæ»-йы æмæ нæ телеканалы презентацион видеоныв номинаци «Регионы бренд», зæгъгæ, уым. Хæрзиуджытæ уæлахиздзаутæн радтой Мæскуыйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv