Сæйрагдæр - æдасдзинад

«Вежливый водитель» æмæ «Культурный пешеход», зæгъгæ, профилактикон мадзалы фæлгæты Рахизфарсы районы паддзахадон автоинспекцийы кусджытæ Беслæны сæйраг парчы - шофыртæн æмæ бæлцæттæн æмбарын кодтой фæндаггон змæлды домæнтæ. Инспектортæ ацы бынат дзæгъæлы нæ равзæрстой. Горæты астæу адæм бирæгæйттæй æмбырд фæкæнынц. Профилактикон мадзалы фæлгæты паддзахадон автоинспекцийы кусджытæ адæмæн æмбарын кодтой фæндагыл хи куыд дарын хъæуы уый тыххæй. Шофыртæн байуæстой информацион сыфтæ. Инспектортæ ма шофыртæй уæлджай ныхас кодтой фистæгæй цæуджытимæ дæр. Сывæллæтты ахуыр кодтой фæндаджы сæрты раст хизын. Паддзахадон автоинспекцийы кусджытæ ахæм мадзæлттæ дарддæр дæр араздзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv