Дзæуджыхъæуы 17 ахуырадон уагдоны сæхгæдтой карантины

Цæгат Ирыстоны ахуырад æмæ наукæйы министрады хъуыдымæ гæсгæ, республикæйы æппæт ахуырадон æмæ скъолайы агъоммæ уагдæттæ хъæуы сæхгæнын карантины. Кировы æмæ Мæздæджы районтæй уæлдай. Ахæм хатдзæгмæ æрцыдысты Цæгат Ирыстоны сæйраг санитарон дохтыры уынаффæмæ гæсгæ, ома æхснырсæгæй рынчын сывæллæтты нымæц нысангонд кæм у, уыцы бардзырдмæ гæсгæ. Профилон министрады куыд фæбæрæг кодтой, афтæмæй ахуырадон куыст æрлæууын кæнын хъæуы 31-æм январæй - 3-æм февралы онг. Уæдмæ та уал, Дзæуджыхъæуы 17 ахуырадон уагдоны карантины сæхгæдтой. Цы рæстæджы æмгъуыдмæ, уый бæлвырдгонд нæу. Уый тыххæй уынаффæ рахаста Дзæуджыхъæуы бынæттон администрацийы, ахуырады управлени. Афтæмæй æхгæд æрцыдысты 49-æм, 55-æм, 84-æм,86-æм, 89-æм, 91-æм сывæллæтты рæвдауæндæттæ. Нæ кусынц 1-æм, 4-æм, 7-æм, 14-æм. 18-æм, 26-æм, 33-æм, 34-æм, 36-æм, 46-æм Дзæуджыхъæуы скъолатæ, Балтайы хъæуы астæуккаг скъола æмæ Дзæуджыхъæуы аивæдты лицей. Цæгат Ирыстоны фæлхасгæнджытæм цæстдарды управлени снысан кæны карантин, ахуырдзауты 20% сæхиуыл æхснырсæджы миниуджытæ куы банкъарынц, уæд. Уый тыххæй хъусын кæны Цæгат Ирыстоны ахуырад æмæ наукæйы министрад. Профилон ведомствойы куыд бафиппайдтой, афтæмæй къуырисæрмæ уавæр кæцырдæм аивдзæн, уый дæр бæрæг нæу. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv