Æрыгон инженертæ

Республикон æркаст сарæзта фæсивæдон инновацион сфæлдыстады центр «FabLab Alania». Скъоладзаутæ ерыстæм бацæттæ кодтой сæ куыстытæ. Сæдæ сывæллоны сарæзтой æртæ хуызы робæттæ. Конкурс арæзт æрцыди æртæ номинацийæ. Шорт трек, робот голладжы æмæ сумойæ. Шорт трекы робот хъуамæ лæвæрд рæстæгмæ æрзылдаид алкæмæй тагъддæр, сумойы хъуамæ иу робот иннæуыл фæтых уыдаид, æмæ йæ аппæрстаид хаххæй. Робот голладжы разынд се`ппæтæй зындæр. Ацы конкурсы скъоладзаутæ цавар роботтæ араздзысты, уый базыдтой ерысты бон. Уымæй уæлдай ма сæ хъуыдис сæрмагонд программæмæ гæсгæ æрымбырд кæнын, цæмæй лæвæрд рæстæгмæ бæлвырд змæлд кæной. Аллы номинацийы дæр равзæрстой уæлахиздзаутæ, æмæ сын радтой лæвæрдтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv