Змейкæйы хъæуы райдыдтой социалон программæттыл кусын

Къостайы хъæу, Даскоф æмæ Змейкæ. Ацы хъæуты куыст куыд цæуы, уый дæнцæгæн хæссинаг у. Ууыл ма на раздæры программæты ныхас кодтам. Радзырдтам Даскъофы хъæуы цæрджытæ куыд цæрынц, уый. Равдыстам Къостайы хъæуы адæмæн цавæр уавæртæ аразынц, уый дæр. Ныр та бахæццæ стæм Змейкæмæ. Уым дæр раппæлинагæй цы ис, уый ссардтам. Бынæттон цæрджытæн дзы ис хорз царды уагæн æмбæлгæ уавæртæ. Змейкæйы хъæуы бынæттон администрацийы кусджытæ райдыдтой социалон-культурон программæйыл архайын. Ныртæккæ дзы бæстонæй цæуынц цалцæггæнæн куыстытæ. Хъæуы хицауы ныхæстæм гæсгæ, Змейкæйы хъæуы нырма бирæ ахсджиаг фарстатыл бакусын хъæуы. Ныртæкккæ нæ республикæйы кæцыдæр хъæуты социалон-культурон фарстатæ лыггконд цæуынц федералон программæты фæрцы. Ныронг уыцы хъæуты иу æмæ дыууæ бæстыхайы не сцалцæг кодтой. Афтæ Змейкæйы хъæуы дæр. Хъуамæ дзы бирæ зæрдæмæдзæугæ ивддзинæдтæ æрцæуа. Ахсджиагдæр фарстатæй иу у - цыбыр рæстæджы æмгъуыдмæ культурæйы хæдзар сцалцæг кæнын. Куыд уынут, афтæмæй уый нырмæ дæр у заууат уавæры. Раздæр Змейкæйы хъæу уыд бынтон æдзæллаг уавæры. Уынгты ацæуæн дæр нæ уыд. Фæлæ дзы уæддæр адæм цардысты. Афтæмæй Змейкæ стырæй стырдæр кодта. Хъæуы хистæрты ныхæстæм гæсгæ, Змейкæ азæй азмæ хуыздæры 'рдæм ивы. Хъæуы цæрджытæ бынæттон администрацииæ иумæйагæй архайынц, цæмæй Змейкæ раззагдæрты ’хсæн уа, ууыл. Æрвылаз хъæуы райрæзты тыххæй аразынц алыхуызон мадзæлттæ. Хъæуыл 170 азмæ дæр бынæттон администрацийы куысджытæ æнцад нæ бадынц. Цæттæ сты октябры мæй ацы бæрæгбон цымыдисаг программæйæ саив кæнын. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv