Цæгат Ирыстоны медицинон колледжы фæзынд Уæрæсейы иунæг программæ Помощник по уходу

Цæгат Ирыстоны медицинон колледжы байгом кодтой "Помощник по уходу", зæгъгæ, уникалон программæ. Уый руаджы фæхуыздæр уыдзæн карджын адæмы, инвалидты, æмæ æххуысцух адæмы царды хæрзхъæддзинад. Уæрæсейы иунæг профессионалон ахуырад у. Бакуыстой йыл республикæйы фæллойы министрады амынддзинадмæ гæсгæ. Бацæттæ кодтой теоретикон æмæ практикон æрмæг, стӕй цæттæгæнæн центр, цæмæй ахуыртæ цæуой æнæ къуылымпытæй семинартæ æмæ лекциты хуызы, уыимæ, сæ архайджыты цы цымыдис кæны, ахæм темтыл. Хуысгæ рынчынты раст ныхсын, бахæрын сын кæнын, уыимæ перевязкæтæ кæнын. Æппæт хъуыддæгтæ дæр сын амонынц фæлтæрдджын ахуыргæнджытæ. Уникалон программæ æххæст кæнынц диплом райсыны фæстæ хайады бындурыл. Сентябрæй фыстæмæ фæлварæн æнтыстджынæй радтой 200 адæймаджы, райстой сертификаттæ. Ныр сæ бон кæсын у, уæззау реабилитаци чи цæуы, уыдонмæ. Зæгъæм, сæрмагонд æфсæддон операцийы архайджытæ. Медицинон колледжы куыд фæнысан котой, афтæмæй ахæм æххуыс бакæнын хъæуы, коронавирусæй чи сдзæбæх, уыдонæн дæр. Уыимæ ма змӕлӕн уӕнгты ӕмӕ сӕ фӕтасӕнты низтимӕ, нервыты системæ, зæрдæйы æмæ дадзинты низтимæ. Директор Реуазты Таймуразы ныхæстæм гæсгæ, ахуырты фыццаг мæйтæ равдыстой, программæ æнæмæнг кӕй у хъæугæ æмæ пайда.