Федералон паддзахадон ахуырадон стандарттæ

УФ-йы рухстауæны министрад равæрдта, райдиан æмæ астæуккаг кълæстæн цы федералон паддзахадон ахуырадон стандарттыл бакуыстой, уыдон. Уæрæсейы ахуырады системæйæн ацы гæххæт у æппæты ахсджиагдæр. Фыст дзы ис скъоладзау кæцы къласы цы хъуамæ зона, ахæм уагæвæрдтæ. Ахæм стандартты фæрцы ахуырады къабазы кусджытæ бакусынц скъолаты программæтыл æмæ ахуырадон пълантыл. Фидæны та уыдонмæ гæсгæ фыст цæудзысты чингуытæ æмæ Иумæйаг Паддзахадон фæлварæнты хæслæвæрдтæ. Зæгъæм, райдиан кълæсты математикæйы стандартмæ гæсгæ фыст цæуы, скъоладзау 6-æм къласы кæронмæ хъуамæ «проценттимæ баст» хæслæвæрдттæ аразын куыд зона, уый. Уæдæ фыццаг къласы кæронмæ та сывæллон нывтæм гæсгæ хъуамæ зона 2-4 хъуыдайады рацаразын хи ныхæстæй дзурынмæ. Уырыссаг æвзаджы стандартмæ гæсгæ та 7 къласы скъоладзау хъуамæ зонгæ уа официалон-хъуыддагон стилимæ, уыимæ ма хъуамæ зона хъуыддагон гæххæттыты рацарæзт æмæ йа растфыссыны æгъдæуттæ. Уæдæ хи ныхæстæй текстæй 110 ныхасы радзурын дæр хъуамæ сæ бон уа. Ныр кæд дзурæм музыкæ, физкультурæ, æдас царды бындуры æмæ æндæр предметты тыххæй, уæд ам хицæндзинæдтæ ис тематикон модультæм гæсгæ. Зæгъæм, музыкæйы скъоладзау хъуамæ йæ хъусынадмæ гæсгæ æвзара фольклоры алыхуызон жанртæ. «Робототехника»-йы модульты та сывæллон хъуамæ æвзара æмæ зона роботты сæ хуызтæм гæсгæ æмбырд кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv