Уæлахизы боны кадæн æфсæддон-спортивон ерыстæ

Дзæуджыхъæуы 58-æм æфсады Цæгат Ирыстоны ахуырад æмæ наукæйы министрады хъæппæрисæй цыдис æфсæддон-спортивон ерыстæ «Победа»-йы кæронбæттæн. Архайдтой дзы нæ республикæйы цалдæр скъолайы 9-11 кълæсты ахуырдзаутæ, æдæппæтæй – 8 командæйы. Ерысты сæйраг нысан у ахуырдзауты æфсадмæ расидыны агъоммæ цæттæдзинадыл бакусын. Уæрæх сты йæ патриотон хъомылады хæстæ дæр. Хъазт арæзт уыдис дыууæ хайæ: муниципалон æмæ регионалон. Архайджытæ сæ арæхстдзинæдтæ `вдыстой цалдæр фæлварæнæй. Уыдоны фæрцы сбæлвырд кодтой скъоладзауты æфсæддон-спортивон, теоретикон æмæ техникон цæттæдзинад. Рабæрæг ма кодтой, æфсæддон зарæгмæ дæсны чи у, уыдоны дæр. Ерысты архайджытæн аргъ кодта сæрмагонд жюри. Сæ хатдзæгтæм гæсгæ хуыздæр командæйæн бар уыдзæн Уæлахизы боны кадæн парады архайынæн. Бафтаудзыстæм ма уый, æмæ акци саразыныл бакуыстой 58 æфсад, патриотон хъомылады республикон центр, нæ республикæйы хæсты ветеранты советы æмæ Калоты Георгийы номыл æхсæнадон иугонд «Боевое братство». Ерыстæ фæцæуынц æрвылаз. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv