Акционерон æхсæнад «Фармация» архайы национ проект «Производительность труда»-йы

Куыстуат «Фармация» хостæ уадзы дохтыры сæрмагонд фыстмæ гæсгæ. Хъæугæ препараттæй ифтонг кæны льготæйы хуызы сæ чи исы, уыдоны дæр. Специалисттæ кондады цыд снывыл кодтой. Æрæджы компани сси национ проекты архайæг. Ныр фæнд кæнынц ног æмвæзадмæ рахизын. Гриппы ныхмæ цæттæ ссадаг батухынц сæрмагонд дзæкъулты. Специалисттæ сæ цæттæ кæнынц сæхæдæг. Куыд зæгъынц, афтæмæй хостæконд сты æрмæст пайдайаг æмæ ахадгæ буаргъдтæй. Ацы хостæ сæ арæх бацагурынц, уымæ гæсгæ куыстытæ æххæст кæнынц æнæрлæугæйæ. Ацы куыстуат республикæйы у иунæг, хостæ дохтыры сæрмагонд фыстмæ гæсгæ кæм цæттæ кæнынц. Фармаци ма препараттæй ифтонг кæны льготæйы хуызы сæ чи исы, уыдоны. Æрæджы та куыстуат сси национ проект «Производительность труда»-йы фыццаг архайæг регионы. Программæйы сæйраг нысан у куыстуæттæм фæкæсын. Сæ архайд сын нырыккон æууæлтæм гæсгæ фæхъомысджындæр кæнын. Куыстуатæн баххуыс кæндзысты Компетенциты федералон центры специалисттæ. Проекты райрæзты рæстæг уыдзысты Цæгат Ирыстоны. Республикæйы промышленность æмæ инвестициты министры хæдивæг Наталья Пехтеревайы ныхæстæ гæсгæ, ма ацы аз программæмæ бахæссдзысты ноджы иу куыстуат. Фидæны аз та федералон фæрæзты фæрцы сæ кондады гæнæнтæ фæуæрæхдæр кæндзысты ноджы æхсæз куыстуаты.