Стъалыты ферттывд

Хъырымы уыд Æрвылазон аивæдты фестиваль «Звездная волна». Ацы аз дзы архайдтой 150 сфæлдыстадон къордæй фылдæр. Сæ тыхтæ фæлвæрдтой алы номинациты - вокал, хореографи, адæмон æмæ инструменталон музыкæ æмæ æндæрты. Уыдысты дзы республикæйæ дæр. Сæхи равдыстой цалдæр къорды. Куыд, уый тыххæй та нæ дарддæры æрмæджы. Се`ппæтæй хуыздæр, цымыдисаг æмæ мидисджындæр. Ахæм хаццæг скодтой жюрийы уæнгтæ кафджыты къорд «Æвзонгдзинад»-æн æмæ йын радтой фыццаг къæпхæны лауреаты ном. Уый тыххæй та стыр бузныг зæгъын æмбæлы сæ разамонæг Боциты Фатимæйæн. Алы хатт дæр сæхи куыд æмбæлы афтæ бацæттæ кæнынц æмæ сыздæхынц уæлахиздзаутæй. Фатима Боциева - хореограф танцевального коллектива «Юность»: «Нæ фыццаг кафт уыд «Хохаг». Дыккаг та Дагестайнаг чызджыты кафт. Сабитæ тынг хъæлдзæг уыдысты. Дзæбæх баулæфыдысты. Иннæ фестивальтимæ абаргæйæ, ацы конкурс уыд хуыздæр æмæ цымыдисагдæр. Организатортæ дзæбæх бакуыстой». Адæмон хореографийы номинацийы архайдтой чысыл сывæллæттæ дæр. Кафджыты къорд «Саби»-йы уæнгтæ ахæм стыр фестивалы фыццаг хатт уыдысты. Æнтысджынæй дзы сæхи равдыстой æмæ фыццаг бынат бацахстой. Къорды разамонæг Козырты Батырбег гуырысхо дæр нæ кодта, афтæ кæй рауадзæн ,ууыл. Куыд зæгъы, афтæмæй сывæллæтты тынг разæнгардæй тырныдтой сæхи хуыздæр равдисынмæ. Се ппæты алы адæмы кæвтытимæ базонгæ кæнынмæ. Жæрийы уæнгтæн бацæттæ кодтой убыхаг кафт. Батырбек Козырев - руководитель детского танцевального кружка «Саби»: «Хъырымы фестивалы архайдтой сфæлдыстадон къорд «Æхсар»-ы уæнгтæ дæр. Сты Заводскойæ. 5 азы семæ кусы Хосроты Альберт. Алы хатт дæр йæ фæндтæ вæййын уæлдай цымыдисаг. Ам дæр афтæ. Бацæттæ кодтой кавказаг кæфтытæй попурри. Ацыгътой доулитыл дæр. Афтæмæй фестивалы сæйраг гран при сæхи бакодтой. Уый æнхъæл дæр ничи уыд. Уымæн æмæ сæ равдыст 5 минутæй фылдæр уыд, уый та конкурсы домæнтæн дзуапп нæ лæвæрдта». Фестиваль уыди æнæхъæн къуыри. Архайдтой дзы сфæлдыстадон къордтæ Уæрæсейы алы регионтæй. Цæгат Ирыстоны кад хъахъхъæдтой Заводскойы, сфæлдыстады центр «Сæуæхсид»-ы æмæ кæфтыты театр «Нарты»-йы къордтæ. Уыдон систы 1-æм къæпхæны лауреаттæ. Сывæллæттæн фестиваль сæ зæрдæмæ фæцыд. Фестиваль «Звездная волна» Хъырымы 7-æм хатт сарæзтой. Алы аз дæр йæ гæнæнтæ уæрæхдæр кæнынц. Ацы аз дзы 150 къордæй фылдæр равдыстой сæ курдиат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv