Пъæлицæйы кусджытæ сæ куысты хатдзæгтæ бахыгътой

Горæтгæрон районы мидхъуыддæгты министрады хайад сæ куысты хатдзæгтæ бахыгътой 2019-æм азы фыццаг æмбисæн. Сæрмагонд æмбырды сæрдариуæг кодта Цæгат Ирыстоны мидхъуыддæгты министры хæдивæг, пъæлицæйы булкъон Пётр Вагин. Куысты хатдзæгтимæ æмбырды архайджыты базонгæ кодта бынæттон хайады разамонæг, пъæлицæйы дæлбулкъон Гуытъиаты Алан. Куыд бафиппайдта, афтæмæй куысты бирæ бæрæггæнæнтæ фæхуыздæр сты. Районы цæрджыты æдасдзинадмæ здахынц уæлдай æргом. Бынæттон хайады разамонæг ма куыд фæнысан кодта, афтæмæй сæм аиуварсгæнинаг хъуыддæгтæ дæр бирæ ис. Уыдоныл хъæуы бæстонæй кусын. Пъæлицæйы дæлхайæдты кусджыты размæ цы хæстæ лæууы, уыдон дæр æмбырды фæнысан кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv