«Быть добру» хæрзаудæн фонд байуæрста 7 тоннæйы фæткъуытæ

«Быть добру», зæгъгæ, фонд медицинон куыстуæттæ, сывæллæтты хæдзæрттæ æмæ рæвдауæндæттæн лæвар радта 7 тоннæйы фæткъуытæ. Хæрзаудæн фонды разамонæг куыд зæгъы, афтæмæй ахæм акци фыццаг хатт нæ сарæзтой. Бархионтæ, се`хсæн йе`нæниздзинад хъыгдæрд кæмæн у, ахæм сывæллæттæ дæр, сæхæдæг æвзæрстой дыргътæ. Уагдæттæм сæ аластой сæхæдæг. Аныхас кодтой хъомылгæнинæгтимæ. Мадзал ахаста æртæ къуырийы. Фæткъуытæ байуæрстой республикон рынчындæттæн, сывæллæтты хæдзæрттæн æмæ интернаттæн. Зæгъдзыстæм ма уый æмæ ацы акци сарæзтой «Казачий хутор», зæгъгæ, куыстуатимæ. Уый Цæгат Ирыстоны кæны халсартæ æмæ дыргътæ зайыны куыст. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv