Куыд æгас бæстæйы, афтæ Цæгат Ирыстоны дæр райдыдта сæйраг паддзахадон фæлварæн. Абон нæ республикæйы 9-æм къласы 3 мин ахуырдзауы лæвæрдтой физикæ, истори æмæ биологи. 30-æм майы та ратдзысты æхсæнадзонынад, хими, географи æмæ информатикæ. Ацы предметтæ скъоладзаутæ сæхæдæг æвзарынц. Æнæмæнг цы фæлварæнтæ хъуамæ радтой, уыдонмæ та хауынц - уырыссаг æвзаг æмæ математикæ. Уыдон дӕтдзысты 6-æм æмæ 9-æм июны. Сæйраг паддзахадон фæлварæн дæттынæн бацæттæ кодтой 50 сæрмагонд бынаты.