Фыдохозы газ

Нæ республикæйы, фæстаг рæстæг сарæх сты сыгъд хъæстæйы æвирхъау цаутæ. Ацы аз ахæм фыдбылызты аххосæй фæмард 12 адæймаджы. Уый та, уый тыххæй æмæ адæм æдасдзинады домæнтæ кæй не `ххæст кæнынц. Куыд ис бахъахъхъæнын адæймагæн йæхи? Специалисттæ курынц, цæмæй адæм газы кусæнгæрзтæм куыдфæндыйы цæстæй ма кæсой, æххæст кæной æдасдзинады хуымæтæг домæнтæ. Дыккаг ахæм фыдохы хабар Фарны хъæуы нæ хъуыды кæнынц. Фарон февралы мæй 4 адæймаджы сыгъды хъæстæ фесты. Бæллæх æвсæйнæгтæ кæм æрымбырд кæнынц уыцы куыстуаыт æрцыд. Лæппутæ бæстыхайы адтысты. Газы тæф сæм куыд бахъуызыд,уый æмбаргæ дæр нал бакодтой. Иуæн дæр сæ уынгмæ рахизын нал бантыст. Фыццаг фæдисонты `хсæн уыд Фарны хъæуы сæргълæууæг. Фыдбылызы амæттæгтæй алкæимæ дæр зонгæ уыд. Советон Цæдисы рæстæджы газы кусæнгарзтæ куыд кусынц уый бæрæг кодтой алы хæдзары дæр. Ныртæккæ басгæрстыты фæтк нæ аидта. Цæмæй специалисттæ кусæнгæрзтæ бæрæг кæнынмæ æрбацæуой, уый тыххæй йæм хъуамæ уа техникон лæггæдты тыххæй бадзырд. Цæмæй сæрмагонд службæйы кусджытæ хæдзары пецы куыст сбæрæг кæной уый тыххæй сын хъæуы бафидын 340 сомы. Цæрджытæй йæ бирæтæ зонгæ дæр нæ кæнынц ахæм лæггæдтæй сæ бон спайда кæнын кæй у.уый. Кæнæ та ацы хъуыддагмæ куыд фæндыйы цæстæй кæсынц. Фæстаг рæстæджы бæрæггæнæнтæм гæсгæ сыгъд хъæстæ фесты 12 адæймаджы, 8 та бахаудтысты рынчындонмæ. Санитарон æмæ техникон центры кусджытæ куыд зæгъынц, афтæмæй фыдбылызтæ арæхдæр æрцæуынц кусæнгарзтæ заууатмæ кæй æрцæуынц уый аххосæй. Нырыккон техникæ æппæт домæнтæн дæр дзуапп дæтты. Специалисттæ ма куыд зæгъынц, афтæмæй аххосæгтæн сæ иу- вентиляцион системæ. Арæхдæр хъæуы вентиляцитæм кæсын æмæ фæздæгдзæуæнтæ сыгъдæг кæнын. Адæймаг ацы хъуыддагмæ куыд фæндыйы цæстæй ма хъуамæ кæса æмæ афоныл æмбæлгæ домæнтæ сæххæст кæна. Специалисттæ ма фæнысан кодтой æнæнхъæлæджы уавæрты рæстæг пластикæйæ конд рудзгутæн сæ авг зынтæй асæтты. Уыдон сидынц адæммæ: æдасдзинады домæнтæ æнæмæнгæй æххæст кæнын хъæуы. Фыццаджыдæр хæдзармæ хъуамæ сыгъæг уæлдæф æнæ къуылымпытæй хæццæ кæна. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv