Абон у кадджын ном «Советон Цæдисы хъæбатыр» равзæрды бон

Ацы бон ма 1934-æм азы Советон цæдисы центрон æххæстгæнæн комитеты уынаффæмæ гæсгæ фидаргонд æрцыд Советон Цæдисы хъæбатыры кадджын ном. Хæрзиуæг-иу радтой, адæймаг йæхæдæг, кæнæ къорды `хсæн стыр сгуыхтдзинæдтæ æмæ хъайтардзинад куы равдиса паддзахады раз, уæд. Ахæм ном канд хæстон нæ, фæлæ ма сабыр рæстæджы сгуыхтыты тыххæй дæр лæвæрдтой. Советон Цæдисы фыццаг хъæбатыртæ систы 7 тæхæджы. Уыдон 20-æм апрелы 1934-æм азы Беринджы денджызы пароход «Челюскин» куы ныгъуылд, уæд фервæзын кодтой экспедици æмæ экипажы уæнгты. Раздæр ацы номимæ лæвæрдтой æрмæстдæр Советон Цæдисы центрон æххæстгæнæн комитеты Кады гæххæт. Фæлæ адæмы цы тæхджытæ фервæзын кодтой, уыдонæн ма радтой Ленины номыл ордентæ дæр. Уæдæй фæстæмæ сæ дæттын райдыдтой иннæтæн дæр. 2 азы фæстæ уыцы фæтк ныффидар кодтой закъонмæ гæсгæ. Сгуыхтдзинады иу нысан ма - Советон Цæдисы хъæбатыры майдан - фидаргонд æрцыд паддзахады Уæлдæр Советы президиумы уынаффæмæ гæсгæ 1-æм агусты 1939-æм азы. Уыцы аз ма 16-æм октябры сбæлвырд майданы хуыз дæр. Схуыдтой йæ «Сырх Стъалы». Уæдæй фæстæмæ Советон Цæдисы хъæбатыртæн лæвæрдтой Ленины орден, Сырх Стъалыйы майдан æмæ Советон Цæдисы Уæлдæр Советы Президиумы Кады гæххæт. Уагæвæрдмæ гæсгæ Сырх Стъалыйæ иу адæймаджы схорзæхджынгæнæн уыдис цалдæр хатты. Закъонмæ гæсгæ ацы хæрзиуджыты хицæуттæн уыд алыхуызон льготæтæ дæр. Кадджын ном фæстæмæ байсыны бар та уыд æрмæстдæр Советон Цæдисы Уæлдæр Советы президиуммæ. Æппæты фылдæр Советон Цæдисы хъæбатыртæ фæзынд Фыдыбæстæйы Стыр хæсты рæстæг - сæ 92%. Æмткæй райсгæйæ, Советон Цæдисы рæстæг хъæбатырты нæмттæ райстой 12 мин 700 адæймаджы. Ацы хæрзиуæг 4 хатты æрхауд æрмæстдæр иу адæймагмæ - маршал Георгий Жуковмæ. Æртæ Сырх Стъалыйы аккаг систы Граждайнаг хæсты бæхты 1-аг æфсады зындгонд командыгæнæг, Георгийы номыл Дзуары æххæст кавалер, Советон Цæдисы маршал Семен Буденный, авиацийы маршалтæ Александр Покрышкин æмæ Иван Кожедуб. Фæстæмæ уыцы кадджын ном байстой 74 адæймагæй алыхуызон фыдракæндтыты тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv