Комкоммæ эфиры хатдзæгты фæдыл Дзæуджыхъæуы бынæнттон администрацийы уыд сæрмагонд æмбырд

Комкоммæ эфиры рæстæг цæрджытæ регионы сæргълæууæгмæ цы фарстаты фæдыл дзырдтой, уыдоныл райдыдтой кусын. Дзæуджыхъæуы администрацийы ацыд сæрмагонд æмбырд. Милдзыхты Вячеслав уæлдай æргом æздæхта инвестицион проекттæм. Ныридæгæн доны станцæйы цалцæггæнæн куыстыты проект дихгонд æрцыд цалдæр хайыл — егъау доны станцæ, дæллаг бассейн æмæ амфитеатр. Ахсджиаг фарстатæй ма иу — Фæскомцæдисонты, Жуковскийы номыл æмæ Металлургты парктæ саив кæнын. Æрдзырдтой цæрæнуæтты коммуналон хæдзарады къабазы фарстатыл дæр. Тагъд рæстæг горæты 36 æхсæнадон санитарон бынæттæм бауадздзысты æппæт коммуникацион хызæгтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv