Цæгат Ирыстоны паддзахадон хæс 2023 азы фæкъаддæр уыдзæн

Цæгат Ирыстоны паддзахадон хæс 2023 азы фæкъаддæр уыдзæн. Йæ бон у æрхауын 5,7 млрд сомы онг. Уый тыххæй ныхас кодтой Цæгат Ирыстоны парламенты æмбырды. Сфидар кодтой 2020 азмæ бюджет дæр. Цæгат Ирыстоны парламенты депутаттæ дыккаг æркасты сбæлвырд кодтой 2021 æмæ 2022 азты бюджеттæ дæр. Документмæ гæсгæ республикæйы паддзадон хæс æртæ азмæ фæкъаддæр уыдзæн 5 млрд 700 милуан сомы онг. Уый тыххæй фехъусын кодта Цæгат Ирыстоны финансты министры хæстæ рæстæгмæйы æххæстгæнæг Бутаты Хъасполат. Йæ ныхæстæм гæсгæ, республикæйы мидхæс 2021-æм азы 1-æм январмæ фидаргонд æрцыд 8 млрд 231 млуан сомы бæрц. 1-æм январы 2022 -æм азы та уыцы бæрæггæнæн хъуамæ равдиса 7 млрд 258 милуан сомы. Уыимæ 2021-æм азы æфтиæгты рæстæмбис бæрæггæнæн амондзæн 31 млрд 630 милуан сомы, хæрдзты та 30 млрд 658 милуан сомы, 2022-æм азы та æфтиæгты рæстæмбис бæрæггæнæн равдисдзæн 32 млрд 16 милуан сомы, хæрдзтæ – 30 млрд 622 милуан сомы. 2020 азы бюджетæн та уыдзæн социалон ахадындзинад. 2019 азы хатдзæгтæм гæсгæ бюджеты æфтиæгтæ сты 34,433 млрд сомы. Уый федералон бюджетæй чи ’рбафтыд, уыцы 21 млрд 590 милуан сомимæ нымайгæйæ. Хæрдзтæ та уыдысты 33 млрд 997 милуан сомы. Афтæмæй республикæйы бюджеты профицит уыдзæн 435 милуан 900 мин сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv