Æрыдоны фистæгцæуджытæ æмæ хæдтулгæты шофыртæн сарæзтой сæрмагонд акци

Æрыдоны районы мидхъуыддæгты министрады паддзахадон автоинспекцийы кусджытæ, сæ æрыгон æххуысгæнджытимæ æмгуыст кæнгæйæ, сарæзтой профилактикон акци «Внимание, пешеход!» зæгъгæ. Мадзал арæзт æрцыд Æрыдоны. Бацархайдтой дзы фыццæгæм скъолайы 9-æм къласы ахуырдзаутæ. Уыдон хæдтулгæ тæрджытæн æмæ фистæгцæуджытæн бæстонæй бамбарын кодтой, æдасдзинады уагæвæрдтæ. Уыимæ ма алкæмæндæр радтой сæрмагонд гæххæттытæ æмбарынгæнинæгтимæ. Уым фыст æрцыдысты фистæгцæуджытæ æмæ шофырты æдасдзинады домæнтæн дзуапп чи дæтты, ахæм уагæвæрдтæ. Уæ зæрдыл ма уын æрлæууын кæндзыстæм, фæндагхизджытæй закъон чи хала, уыдонмæ æнхъæлмæ кæсы ивар 500-йæ - 1 мин сомы онг. Тауаситы Евгения, инспектор по пропаганде безопасности дорожного движения УГИБДД МВД России по Ардонскому району, старший лейтенант полиции: «22-æй 24 январмæ ацы акци уыдзæн Æрыдоны. Архайынц дзы куыд фæндагхизджытæ, афтæ шофыртæ дæр. Акцийы сæйраг нысан у, цæмæй адæм фæндаггон æдасдзинады домæнтæ куыд æмбæлы, афтæ æххæст кæной. Лæмбынæг кæсой, цавæр уагæврдмæ гæсгæ хъæуы цæуын, уымæ дæр». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv