Ирон театры равдыстой Айларты Асæхмæты фыст комеди «Ирæттæ»

Радон премьерæмæ аивадуарзджыты æрбахуыдта Тæбæхсæуты Балойы номыл Ирон академон театр. Сценæйы - Айларты Асæхмæты фыст комеди «Ирæттæ». Ныридæгæн æй равдыстой 2-æм хатт. Сæвæрдта йæ Уæрæсейы сгуыхт артист Сабанты Тамерлан. Театры залы аивадуарзджытæй къах бавæрæн нæ уыд. Комеди рæстæг залы уыд адæмы хъæлдзæг зæрдæйы ахаст æмæ худт. Сюжетмæ гæсгæ сæйраг архайджытæ сты 3 ирон лæджы: Гаппо, Герсан æмæ Фацбай. Бахаудысты æдзæрæг сакъадахмæ. Сæ иуы дзы бынæттон цæрджытæ уацары бакодтой. Иннæ дыууæ лæджы йын баххуыс кодтой, суæгъд æй кодтой. Сæйраг хъайтарты ролтæ ахъазыдысты Битарты Алыксандр, Тедеты Сослан æмæ Хъараты Алик. Комедийы сæйраг хъуыды у хиуæтты æмæ æмбæлтты зын сахаты ма ныууадзын æмæ сын æххуыс кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv