Ветерантæ бæрæгбоны агъоммæ лæвæрттæ

Уæлахизы бæрæгбоны агъоммæ нæ республикæйы фæллойы æмæ социалон рæзты министрады кусджытæ бабæрæг кодтой Фыдыбæстæйы Стыр хæсты ветеранты . Рарфæйы ныхæстимæ сын скодтой лæвæрттæ. Хæстон хъæбатыртæ уазджытыл зæрдиагæй бацин кодтой. Æхсызгон сын у кæй сæ нæ рох кæнынц, уый. Ацы бонты уæлдай тынгдæр æрымысынц сæ хæстон æфсымæрты æмæ уыцы сау бонты цаутæ. Николай Свистунов райсом раджы тагъд кæны куыстмæ, гъе афтæмæй, тагъд цæудзæйæ йыл сæмбæлдысты фæллойы министрады кусджыты арфæтæ. Кусы Хæххон -Металлургон институты. Нымад фæлтæрдджындæр кусджытæй иуыл нымад у. Кæд йе уæхстыл азты уæз æрæнцад, уæддæр цардмæ кæсы хъæлдзæг цæстæнгасæй. Фæнды йæ фидæны фæсивæдæн йæ фæлтæрддзинадæй бахай кæнын. Гъе уыцы бæллиц æххæст кæнын царды сæйрагдæрыл нымайы. Не вгъау кæны йæ тых æмæ йæ хъарутæ. æмæ алы райсом дæр æнæзивæгæй уайы студенттæм. Прусаковты бинонтыл та хиуæтты, скъоладзауты æмæ социалон кусджыты арфæйы ныхæстæ сæумæрайсомæй сæмбæлдысты. Уый хуымæтæджы нæу. Прусаковты бинонтæм иу æмæ дыууæ хæстоны нæ уыд. Кæрæдзийы фæлтæрæй-фæлтæрмæ ивынц æмæ сын Уæлахизы бон уæлдай зынаргъ у. Нымайынц æй æппæтæй стырдæр æмæ кадджындæр бæрæгбоныл. Бинонты хистæр Владимир Прусаков тугдзых фашисттимæ хæцгæйæ суанг Берлинмæ схæццæ ис. Архайдта Орловы æмæ Курскы хæсты, уæгъд кодта Белорусси æмæ Польшæ. 1945 азы 7 сентябры архайдта Берлины Советон Цæдисы æфсады парады. Йæ хæстон сгуыхтдзыинæдты тыххæй хорзæхджынгонд æрцыд 5 орденæй æмæ 57 майданæй. Цалдæр бонмæ фæллойы министрады кусджытæ бабæрæг кодтой 2200 хæдзары. Бæрæгбоны фæдыл арфæтæ кодтой канд ветерантæн нæ, фæлæ ма хæстонты идæдз сылгоймæгтæн, хæсты сывæллæттæн, концлагерьты чи бахауд, уыдонæн. Фыдыбæстæйæн цы лæггад фæкодтой уымæн аргъ нæй. Фæлæ се` сгуыхтдзинæдтæ рох не сты. Республикæйы сæргълæууæг Битарты Вячеславы номæй дæр ветерантæн радих кодтой æхцайы фæрæзтæ. Райсом та нæ республикæйы фæллойы æмæ социалон рæзты министрады хъæппæрисæй, йæ бон бæрæгбоны мадзæлтты бацархайын кæмæн не`суыдзæн, уыдонæн концерттæ равдисдзысты сæ хæдзæртты . _ Мы рядом в: vk.com/irystontv instagram.com/irystontv youtube.com/irystontv twitter.com/irystontv