Фæндаггон змæлды фæткы 3 мин уагхæлдæй фылдæр рабæрæг кодтой паддзахадон автоинспекцийы кусджытæ къуыримæ. 80 дзы сты хæдтулгæ нозтджынæй тæрыны, кæнæ та медицинон æркастыл чи не сразы ис, ахæмты тыххæй. Закъонхалджытыл байгом кодтой административон хъуыддæгтæ, материалтæ та арвыстой тæрхондонмæ. Закъонмæ гæсгæ сын 2 азы æмгъуыдмæ хæдтулгæ тæрыны бартæ хъуамæ байсой, стæй ма сын бафидын хъæудзæн административон ивар - 30 мин сомы. Дыккаг хатт хæдтулгæйыл нозтхæццæйæ чи сбадт, ахæмтæ та разынд 19. Байгом сыл кодтой уголовон хъуыддæгтæ Уæрæсейы Федерацийы уголовон кодексы 264-æм статьяйы 1-æм пунктмæ гæсгæ. Æппæты карздæр сæм цы домæн æнхъæлмæ кæсы, уый у ахæстоны 3 азмæ сбадын кæнын. Ивгъуыд къуыримæ æрцыд 11 фæндаггон фыдбылызы. 15 адæймаджы дзы хъыгдард баййæфтой.