Æрæфы районы скъоладзаутæн фадат ис сæ урокты фæстæ æхца бакусын

Æрæфы районы скъоладзаутæн фадат ис сæ урокты фæстæ æхца бакусын. Районы куыст дæттыны комитет, администрацийы æххуысимæ, æххæст кæны сæрмагонд программæ. Уымæ гæсгæ 14 азæй - 18 азы онг кæуыл цæуы, уыцы скъоладзаутæн рæстæгмæ агурынц куыст. Сывæллæттæ бафснайынц сæ скъолаты алфамблай, стæй сæ хъæуты базилинаг бынæттæ. 14 азæй-15 азы онг кæуыл цæуы, уыдон кусынц бонмæ 2 сахаты æмæ æрдæг. Сæ хистæртæ та 3 сахаты æмæ*рдæг, къуыри фондз боны. Ацы аз программæйы руаджы бакусыны фадат фæци 85 сывæллонæн. Мæймæ сын куыст дæттыны центр фиды 2 мины æмæ 250 сомы материалон æххуысы номыл. Уыимæ ма, 1 мин æмæ 100 сомы фиды адимнистраци дæр. Иннæ аз дæр программæмæ гæсгæ куыст æххæст кæндзысты иннæ районы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv