Цæгат Ирыстоны хæххон районты тæссаг у зæйтæ рацæуынæй

Цæгат Ирыстоны хæххон районты тæссаг у зæйтæ рацæуынæй. Уый тыххæй хъусын кæнынц æнæнхъæлæджы уавæрты министрды. Æвирхъау цаутæ æмæ фыдбылызтæ æрцæуынæн гæнæн кæй ис, уый тыххæй хабар кæнынц. Уæлдай къæрцхъусдæр уæвын хъæуы фæндæгтыл. Арвыкомы фæндаг æмæ Транскам нырма уал кусынц фæткмæ гæсгæ. Æцæуыны бар дзы ис хæдтулгæты æппæт хуызтæн. Министрады хъусынгæнинагмæ гæсгæ, цы æвзæр боныхъæд ракæна, уый аххосæй тæссаг уыдзæн фæндаггæрæтты цы бæстыхæйттæ æмæ электрон тыхдæттæн хызæгтæ цæуынц, уыдонæн. Уый хынцгæйæ, министрады кусджытæ сидынц адæммæ, цæмæй фыдбылызтæй сæхи хизой. Сæ балцыл рагацау хъуыды кæной æмæ тæссаг рæттæм ма цæуой. Бахъуаджы рæстæг та ирвæзынгæнджытæм хабар кæной 101, 112, кæнæ 01 сæрмагонд номыртæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv