Сергей Меняйло схорзæхджын кодта "Ирыстоны намысæн" майданæй Дзебысаты Азæмæты

Сæрмагонд æфсæддон операцийы архайæг, кæстæр сержант Дзебысаты Азæмæты регионы разамонæг Сергей Меняйло схорзæхджын кодта "Ирыстоны намысæн" майданæй. Æфсæддон майданы аккаг сси, офицеры кӕй фервæзын кодта, стæй сæрмагонд операцийы йæ æфсæддон хæс кæй æххæст кæны, уый тыххæй. Республикæйы сæргълæууæг Дзебысаты Азæмæтæн раарфæ кодта кадджын паддзахадон хæрзиуæджы фæдыл, кæстæр сержанты лæгдзинад фæнысан кæнгæйæ. Йæ зæрдæ йын загъта æнæниздзинад æмæ ног æнтыстытæ службæйы.