Цæгат Ирыстоны хæдтулгæйы шофыр видеокамерæмæ систа арсы лæппыны

Транскамыл куыд фæцæйцыд, афтæ йыл йæ цæст æрхæцыд. Хъуынджын цæрæгой æрхызт фæндагмæ. Адæмæй уыдис иу-фæндзай метры æддæдæр. Хæдтулгæйы шофыртæ йæм куы фæкомкæммæ сты, уæд сæ тæрсгæ дæр нæ фæкодта. Арсы лæппын уыд æнæ мадæй. Фылдæр хатт сæ мадæл арс ракæны. Ныр уыдис иунæгæй, шофырты хъуыдымæ гæсгæ, йæ мад, гæнæн ис, æмæ исты фыдбылызы бахауд. Æндæр, дам, адæммæ афтæ хæстæг не `рцыдаид. Фæлæ æдас дæр нæ уыдысты. Хæстæг бацæуын арсы лæппынмæ ничи бауæндыд, йæ мад сæм искуыцæй куы рауайа, уымæй тæрсгæйæ. Бæрæг куыд у, афтæмæй Цæгат Ирыстоны райдыдта цуан кæныны рæстæг. Бирæ хатт мадæл æрсыты нæ, фæлæ ма сын сæ лæппынты дæр амарынц. Бынæттон хъæдты адæм бирæ сырдты скуынæг кодтой. Фæлæ видеоæрмæг сырдимæ бирæты зæрдæмæ фæцыд. Цалдæр сахатмæ йæм бакаст 7 мин адæймагæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv