Аргъуанмæ фистæгæй

Куадзæны бæрæгбоны Дзæуджыхъæуы цалдæр уынджы уыдзысты æхгæд. 7-æм апрелы райсомы 9 сахатæй æмæ цалынмæ бæрæгбоны мадзæлттæ нæ фæуой, уæдмæ аргъуантæм хæстæг уынгты машинæтыл ацæуæн нæ уыдзæн. Фæндаг уыдзæн æхгæд: Мады майрæмы аргъуаны цур - Войковы, Хъантемыры-фырты номыл, Хетæгкаты Къостайы æмæ Армянскийы уынгтæ. Сæхгæндзысты Ильиайы аргъуанмæ цæуæг Доваторы, Дзержинкийы, Гастеллойы, Митькины æмæ Къубалты Алыксандры номыл уынгты фæндæгтæ. Уымæй уæлдай ма Сыгъдæг Георгийы аргъуаны цур - Тургеневский æмæ Барбашовы уынгтæ дæр. Хæдтулгæтæн ацæуæн нæ уыдзæн Мады Майрæмы Æмбæрзæны аргъуаны цур. Уымæй уæлдай ма сæхгæндзысты Хъæдгæроны, Æрдоны æмæ Алагиры аргъуанты цур фæндæгтæ дæр. Паддзахадон автоиспекцииы кусджытæ шофыртæй курынц, цæмæй ма стыхсой æмæ рагагъоммæ æндæр фæндæгтæ агурой. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv