Фæсаууонимæ тох

Уæрæсейы социалон мессенджертæй пайдагæнæн нал ис, дæ ном куы нæ фæбæлвырд кæнай, уæд. Æмбæлгæ документ равæрдтой барадон информацийы официалон интернет-порталы. Куыд дзы амонынц, уымæ гæсгæ уагæвæрд йæ тыхы бацæудзæн афæдзы `мбисы фæстæ. Уæрæсейы цæстдарды комитеты куыд фæбæлвырд кодтой, афтæмæй ахæм мадзæлттæ аразынц адæмы æдасдзинадæн. Стæй ма барадхъахъхъæнæг оргæнтæн дæр феххуыс уыдзæн закъонхæлдтытæ раиртасыны хъуыддаджы. Мессенджерты администратортæ сæ цæст дардзысты, телефоны номыр æцæгæйдæр регистрацигонд у æви нæ, уый. 20 минутмæ хъуамæ информаци сбæлвырд уа, науæд адæймагæн сервисæй пайда кæныны бар нæ уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv