Журналистикæйы бындурон зонындзинæдтæ ног хуызы сахуыр кæнын æмæ æцæг дæсны специалисттæй амынддзинæдтæ райсын. Ахæм нысанимæ райдыдта æвзонг журналисты сæрдыгон лагерь Media Сamp, зæгъгæ. Цæуы сывæллæтты лагерь "Звездочка"-йы бæстыхайы. Сарæзтой йæ республикæйы мыхуыры æмæ дзыллон коммуникациты хъуыддæгты фæдыл комитеты хъæппæрисæй ныр 6-æм хатт. Профориентацион фæлтæры ацы аз архайынц 35 сывæллоны. 3 къуырийы дæргъы сывæллæттимæ æмбæлдзысты зындгонд журналисттæ, блогертæ медиа- æмæ IT-къабæзты специалисттæ. Ныхас кæндзысты æрыгæттимæ дзыллон информацион фæрæзтæ ныртæккæ цы бынат ахсынц, ууыл. Æвдисдзысты мастер-класстæ, тренингтæ, араздзысты хъæзтытæ æмæ викторинæтæ.