Гасситы Мурат тохмæ рацæудзæн 29 февралы

Гасситы Мурат тохмæ рацæудзæн 29 февралы. Уый тыххæй фехъусын кодтой спортсмены цæттæгæнæн лагерæй. Æппæты уæззау уæзы ирон богал йæ тых бавзардзæн Майк Гарсия æмæ Джесси Варгасы тохы фæлгæты. Турнир арæзт уыдзæн Америчы штат Техасы, горæт Фрискойы. Гасситы Мураты сæйраг тренер Абель Санчесы ныхæстæм гæсгæ, ныртæккæ боксеры уæз у 225-228 фунты. Уый у 102-104 килограммы. Йæхи тынг хорз æвдисы тренировкæты рæстæг. Уæ зæрдыл уын æрлæууын кæндзыстæм Гасситы Мурат фæстаг хатт хæцыд 2018-æм азы, июлы. Уый фæстæ боксер йæ уæхскъ ныццавта æмæ йæхи дзæбæх кодта. Зæрдæ дардзыстæм, ацы хатт цæттæгæнæн рæстæг æнæ травмæтæй кæй ацæудзæн, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv