Уæлахизы бон 9-æм майы къамунтæйы ацæудзæн парад

Уæлахизы бонмæ Цæгат Ирыстоны алыхуызон егъау кадджын мадзæлттæ сараздзысты. Цæудзысты районты æмæ дзæрддзæф хъæуты дæр. Зæгъæм, Къæмынтæйы ацы аз фæнд кæнынц æфсæддон парад саразын. Ахæм курдиат Уæрæсейы президент Владимир Путины номыл арвыстой «Родина» патритон клубæй. Хæххон хъæу Къæмынтæ цалдæр хптты хаст æрцыд Уæрæсейы Рекордты Чиныгмæ. Фыццаг хатт дзы æппæтуæрæсеон акци «Æнæмæлгæ полк» куы ацыд, уæд. Дыккаг хатт та - уæрæсейаг спортсментæн, Олимпаг хъæзтыты чи рамбылдта, уыдонæн хъæуы кадджын цæрджыты ном куы снысан кодтой, уæд. Зæгъдзыстæм ма уый æмæ ацы аз Цæгат Ирыстоны фæнд кæнынц 90 мадзалæй фылдæр саразын - патриотон акцитæ, «Мысæн Вахтæ», спортивон ерыстæ, æфсæддон-патриотон хъæзтытæ, «Лæгдзинады уроччытæ», концерттæ æмæ теарты равдыстытæ. Пъланмæ бахастой бархионты акцитæ æмæ нывгæнджыты равдыстытæ дæр. Уæлдай ахсджиаг сты Фыдыбæстæйы Стыр Хæсты ветерантимæ фембæлдтытæ. Районты ацы аз фæнд кæнынц Советон Цæдисы Хъæбарты номыл мемориалон фæйнæджытæ гом кæнын, уыимæ ма хъуамæ базилой æфсæддонты ингæнтæм æмæ цыртытæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv