Хъырымимæ бастдзинад

Севастополы наулæууæн акваторийы ахицæн наупæлæзон регатæ «Уырыссаг уалдзæг-2018». Арæзт уыд Уæрæсейы президенты æххæстбарджын минæвар Олег Белавнцевы хъæппæрисæй. Мадзал сарæзтой Уæрæсе æмæ Хъырым кæй баиу сты, уый кадæн. Ерыстæ бабæрæг кодта Битарты Вячеслав дæр. Уыимæ ма Цæгат Кавказы субъектты сæргълæуджытæ.  Уазджытæн арфæйы ныхæстæ загъта Хъырымы сæргълæууæг Сергей Аксенов æмæ Севастополы губернатор Дмитрий Овсянников. Денджызы сæ арæхстдзинад æвдыстой 200 спортсмены Уæрæсейы 8 регионæй. Битарты Вячеславы ныхæстæм гæсгæ регатæйы бæрæгбон у хорз фадат иудзинад ныффидар кæнынæн. Уымæй уæлдай уазджытæ национ-культурон æхсæнад «Алания»-йы минæвæрттимæ сæвæрдтой дидинджытæ Советон Цæдисы хъæбатыр, Хъесаты Астаны цыртдзæвæныл. Нæ дыууæ республикæйы бастдзинад нæй рох кæнæн. Фыдыбæстæйы Стыр хæсты ирыстойнæгты хъæбатырдзинад ахъазаг æвæрæн бахаста уæлахизмæ. Сæрибардзинадыл тохгæнæг Хъесаты Астаны ном дæр хъуыды кæнынц Севастополы. Йæ ном хæссынц уынг æмæ скъола. Уымæй уæлдай ма ныртæккæ аразынц парк дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv