Сталинграды тохæй 77-азы кæй рацыд, уый фæдыл Дзæуджыхъæумæ Волгоградæй ссыд делегаци

Сталинграды тохæй 77 азы кæй рацыд, уый фæдыл Дзæуджыхъæумæ Волгоградæй ссыд делегаци. Се ’хсæн политикон архайджытæ, æхсæнадон палатæйы уæнгтæ æмæ журналисттæ.  Уазджытæ дидинджытæ сæвæрдтой «Æфсæддон намысы горæты» цыртдзæвæныл, бабæрæг кодтой мемориалон комплекс «Барбашовы фæз». Се `рбацыды нысан уыд методикон ахуырадон æрмæгæн презентаци скæнын «Сыны и дочери Осетии в Сталинградской битве: братские народы в борьбе с фашизмом», зæгъгæ. Методикон чиныгæн йæ автор у публицист Михаил Серенко. Бацæттæ йæ кодта скъолаты ахуыргæнджытæн æмæ æхуырдзаутæн, уæлдæр ахуыргæнæндоны студенттæн. Абон та Хæххон Аграрон университеты коференц-залы уыд уыцы методикон чиныджы презентаци. Арæзт æрцыд Дзæуджыхъæуы бынæттон хиуынафæййады администраци æмæ «Хæлардзинады Хæдзар»-ы хъæппæрисæй. Сæйрагдæр нысан уыд, цæмæй æрыгон фæлтæр ма рох кæна, цы истори нын баззад, уый æмæ, Сталинграды тохы йæ цард чи радта, уыдоны нæмттæ сæнусон кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv