Бибылты Анатолий куыд фехъусын кодта, афтæмæй сӕ Уæрæсейы Федерацимæ бахизгæйæ фæнды ЦИмæ баиу уæвын

Хуссар Ирыстоны президент Бибылты Анатолий куыд фехъусын кодта, афтæмæй сӕ Уæрæсейы Федерацимæ бахизгæйæ фæнды Цæгат Ирыстонимæ баиу уæвын. Йæ ныхæстæм гæсгæ, Алани ныридæгæн дӕр ис: Цæгат Ирыстон-Алани æмæ Хуссар Ирыстон— паддзахад Алани. Уый у иумæйаг Алани. Ныртæккæ Хуссар Ирыстонæн йæ бон у Уæрæсейы Федерацимæ бахизын куыд хицæн субъект. Фæлæ Ирыстон баиу кæнын хъæуы, зӕгъгӕ, фæнысан кодта Бибылты Анатолий. Цæгат Ирыстоны сæргълæууæг Сергей Меняйло сразы ис Хуссар æмæ Цæгат Ирыстоны республикæтæ баиу кæныны хъуыдыимæ. Куыд фæнысан кодта, афтæмæй стæм иу адæм. Ис нын иумæйаг æвзаг, иумæйаг культурæ æмæ традицитæ. Хуссар æмæ Цæгат Ирыстоны цæрджытæ алкæддæр уыдысты æнгом баст. Историон цаутӕм гӕсгӕ ивд цыдысты æрмæст йӕ арæнтæ. Фæлæ адæм та уыдысты хæлар, куыд иу бинонтæ, афтæ. Бафиппайдта Сергей Меняйло. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv