Цæгат Ирыстонæй æндæр регионтæм дыргъ бæлæсты талатæ ласыны хъуыддаг фæфылдæр 8 хатты

Хъæддаг зайæгойтæ садзгæйæ, ахсджиаг у сбæрæг кæнын быдыры зæхх куыд цæттæгонд у, талаты 'хсæн цас дарддзæгад хъуамæ уа, уый. Алы лыстæгдзинад дæр у вазыгджын. Ам ис 20 гектармæ хæстæг, ныридæгæн цæттæ сты гутонвæдтæ æмæ зæххы хæйттæ. Боныхъæды аххосæй кусынц æрмæст дыууæ бригады, 30 адæймагмæ 'ввахс. Хъæууонхæдзарадон кооператив "Де Густо" у æххæст циклы рæзæндон. Ам зайын кæнынц талаты æртæ хуызы. Уымæй уæлдай ма, æхсынцъы æмæ атипкæйы æппытæ. Пайда сæ кæнынц æхсынцъы, чылауи æмæ балы прививкæтæн. Æрвылаз дæр хъæууонхæдзарадон кооперативы зайын кæнынц дыргъ бæлæсты 500 мин талайы онг. Сты парахат æрмæст нæ республикæйы нæ, фæлæ æндæр регионты дæр. Фылдæр Цæгат Кавказы æмæ Уæрæсейы хуссарварс. Ацы аз Цæгат Ирыстонæй æндæр регионтæм талатæ ласын райдыдтой 8 хатты фылдæр. Цæгат Кавказы хъæууон хæдзарадмæ цæстдарды управлени сбæрæг кодтой 140 мин хуызæй фылдæр. Цæгат Ирыстонæй талатæ фылдæр ласынц Стъараполы краймæ — 128 мин талайы. 4 минмæ 'ввахс арвыстой Цæцæнмæ, Кæсæг-Балхъармæ — 2,5 мин, ардæм хауынц Æрæфы районы цы æхсæры талатæ зайын кæнынц, уыдон дæр.