Битарты Вячеслав фембæлд Уæрæсейы хицауады сæрдары хæдивæг Алексей Гордеевимæ

Цæгат Ирыстоны экологийы уавæрыл æрдзырдтой республикæйы сæргълæууæг Битарты Вячеслав æмæ Уæрæсейы вице-премьер Алексей Гордеев. Фембæлдысты Мæскуыйы. Цы фарстаты тыххæй дзырдтой, уыдон - Национ проект «Экологи»-йы фæлгæты цы куыст кæнынц, уый. Битарты Вячелав куыд фæнысан кодта, афтæмæй ныртæккæ æрксæинаг хъуыддаг у завод «Электроцинчы» цы клинкер ис, уый. Йæ ныхæстæм гæсгæ, цæмæй фæстиуджытæ аиуварс кæной, уый тыххæй республикæйы хъæуы федералон æххуыс. Ахæм уавæр ис хæххон бынæтты рæзты программæйы дæр. Уырдæм хауынц 115 хъæуы. Битарты Вячеслав радзырдта ЦæгАт Ирыстоны агро-промышленон комплексы рæзты тыххæй. Профилон министрад бакуыста сæрмагонд программæйыл. Хъуамæ аххæсса 2023 азмæ. Уый руаджы 5 азмæ хъуамæ фæфылдæр уой фосы рæгъæуттæ. Къабазы рæзтæн ЦæгАт Ирыстоны фарон аз радих кодтой 172 милуан сомы федералон бюджетæй. Ацы аз та йæ фæфылдæр кæндзысты 240 милуан сомы онг. Фæлæ уый фаг нæу. Уый тыххæй республикæйы сæргълæууæг ракуырдта, цæмæй нын ног аз ноджы фылдæр фæрæзтæ радих кæной. Уымæй уæлдай ма, заууат уавæрмæ æрцыдысты доны хæтæлтæ. Сæ фылдæр нал бæззынц. 2020 азы сын сæ кæцыдæр хай раивдзысты. Ныридæгæн сæ хыгъдмæ бахастой . Уæрæсейы хицауады мæрдары хæдивæг Алексей Гордеев куыд загъта, афтæмæй фарстатыл бакусæн ис федералон программæты фæлгæты. Уæрæсейы хъæууон хæдзарады проекты фарс рахæцыд Дмитрий Медведев. Æдыппæтæй йын 2025 азмæ радих кæндзысты 2 триллион сомæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv