Дзæуджыхъæуы историйы музейы байгом равдыст «ДВОЕ»

Дзæуджыхъæуы историйы музейы байгом равдыст «ДВОЕ» - зæгъгæ. Ахæм ном хæссы уый тыххæй æмæ экспозицийы ис дыууæ нывгæнæджы куыстытæ - Еленæ Головиновойы æмæ Хъороты Линдæйы. Дыууæ дæр нырма ахуыр кæнынц. Сты арæзтады факультеты студенткæтæ. Иумæйаг равдыст бацæттæ кæныныл рагæй хъуыды кодтой. Афæдзæй фылдæр та йæм цæттæ кодтой. Равдысты ис 23 нывы. Сты чызджытæн сæ хуыздæр куыстытæ. Нывгæнджыты ныхæстæм гæсгæ, сæ куыстыты авдисынц дунемæ цы цæстæй кæсынц, уый. Зæгъын ма хъæуы уый æмæ ахæм равдыст бацæттæ кодтой фыццаг хатт. Фенæн æй уыдзæн апрелы кæронмæ. Линда Короева, нывгæнæг: «Нæ кæцыдæр нывтæ конд сты ахургæнæндоны нын цы хæслæвæрдтæ радтой, уыдонмæ гæсгæ. Фæлæ иннæ кустытæм куы бакæсат, уæд дзы нæхи аивад фылдæр зыны. Уыдон нæхи хъуыдытæ сты». Еленæ Головина, нывгæнæг: «Ацы равдыст нæ ахуыры курсы куыстмæ нæ хауы. Ома нын бæрæггæнæн дæр нæ вæрынц. Уый нæ мидварн куыд зыны, уый у. Æвдисæм дзы нæ алфамблаймæ цы хуызтæй кæсæм. Ахæм нывтæ нын хуыздæр рауайынц». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv