Цæгат Ирыстоны Хицауады æмбырды ныхас цыд инвестицион проектты райрæзтыл

2017-æм азæй Цæгат Ирыстоны 56 инвестицион проекты банымадтой егъаутыл. Сæ райрæзтæн радих кодтой 86 зæххы хайы Дзæуджыхъæуы æмæ республикæйы районты. Уый тыххæй фехъусын кодта экономикон райрæзты министр Кучиты Зауыр. Сæрмагонд æмбырд амыдта премьер Дзанайты Барис. 2022-æм азы регионы егъау инвестицион проекттыл банымадтой 22 амалхъом адæмы хъæппæристæ, 1 проект та социалон-культурон нысаниуæгимæ объект. Сæ райрæзтæн сын радих кодтой 56 зæххы хайы. Дзуапдæттæг министры ныхæстæм гæсгæ, инвестициты иумæйаг гуырахст у 24,5 млрд сомы. Куысты бынæттæ фæзындзæн 2 мин адæймагæй фылдæрæн. Егъау инвестицион проектты 'хсæн тематикон парк «Алания парк», сæнуадзыны кондад, валеркæсаг уадзыны нырыккон гæнæнтимæ куыстуат, базарадон-хиирхæфсæн центры арæзтад Дзæуджыхъæуы. Мæздæджы та фæзындзæн агрокомплекс.