Æппæтуæрæсеон олимпиадæйы регионалон къæпхæн райдыдта Цæгат Ирыстоны

Æппæтуæрæсеон олимпиадæйы регионалон къæпхæн райдыдта Цæгат Ирыстоны. Сæ тыхтæ дзы фæлварынц 9-æм,10-æм æмæ 11-æм кълæсты ахуырдзаутæ. Уыдон сты муниципалон къæпхæны уæлахиздаутæ. Олимпиадæ аххæсдзæн 21 предметыл. Абон скъоладзаутæ сæ зонындзинæдтæ æвдыстой французаг æвзагæй. Ахуырадон ерыстæ арæзт цæудзысты 20-æм февральмæ. Регионалон къæпхæн цæудзæн республикæйы зонындзинæдтæ уæлдæр гæнæн центры, сывæллæтты технопарк «Кванториум»-ы, Цæгат Ирыстоны паддзахадон университеты, 5-æм профессионалон училищæйы æмæ 47-æм скъолайы. Олимпиадæйы æмбæлгæ домæнтæ чи сæххæст кæна æмæ фаг баллтæ чи рымбырд кæна, уыдон архайдзысты æппæтуæрæсеон къæпхæны. Уæ зæрдыл уын æрлæууын кæндзыстæм, скъоладзауты æппæтуæрæсеон олимпиадæ арæзт у 4 къæпхæнæй: скъолайы, муниципалон, регионалон æмæ кæронбæттæн. Фæстаг къæпхæны уæлахиздзауты схорзæхджын уыдзысты димпломтæй. Уы та сын бар ратдзæн цы уæлдæр архуыргæнæндонмæ сæ фæнды, уымæ æнæ фæлварæнтæй бацæуын ахуыр кæнынмæ. РЦИ-Аланийы ахуырад æмæ наукæйы министрады сæйраг специалист-эксперт Залина Вардашева: «Сбæрæг сты жюрийы уæнгтæ. Олимпиадæйæн скæндзысты хатдзæгтæ. Архайджытæн хъæугæ информаци сæ бон уыдзæн базонын министрады сæрмагонд сайты. Фаронимæ абаргæйæ ацы аз архаджыты нымæц зынгæ фылдæр у. 2020-æм азы æдæппæттæй архайынц 1400 скъоладзауы. Сæ фылдæр уырыссаг æвзаджы олимпиадæйы – 130 скъоладзауы, æхсæнадзонынады – 114, уырыссаг литературæйы та 106 ахуырдзауы». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv