Елхотты тагъд рæстæг сараздзысты æндæр егъау æмæ ахсджиаг мадзал

Елхотты тагъд рæстæг сараздзысты æндæр егъау æмæ ахсджиаг мадзал. Йæ амидингæнджытæ сты Цæгат Ирыстоны хъæууон хæдзарады министрад. Ныридæгæн сæхи цæттæ кæнынц. 20 апрелы, сбæрæг кæндзысты Быдыры бон. Ацы хат дæр дзы уыдзæн нырыккон зæхкусæн техникæйы равдыст. Алыхуызон компаниты минæвæрттæ хъуамæ равдисой хъæууон хæдзарад цы къæпхæныл ис, уый. Ахæм фембæлдтытæ зæхкусджытæн бар дæттынц продукци фенынæн, æмæ хи кустуаты райрæзтæн хъæугæ мадзæлттæ ссарынæн. Ацы аз фæнд кæнынц ноджы фылдæр æмгуыстады бадзырдтæ бафыссын. Фарон аз ахæм равдыст нæ республикæйы сарæзтой фыццаг хатт. Æмæ цы пайда æрхаста, уый ныр фенæн ис. Куыстуат «РосАгроЛизингимæ» цы бадзырд бафыстой, уымæ гæсгæ хъæууон хæдзарады техникæ сног кæндзысты 250 милуан сомæн. Уый 73 техникæйы иуæгæн. Ацы аз ма æрæзтæ фæфылдæр уыдзысты. Æнгом æххуыс цæуы хъæууон хæдзарады куыст чи кæны, уыдонæн - граннты хуызы. Уый тыххæй бюджетæй радих кодтой 145 милуан сомæй фылдæр. 21 милуаны - нырма кусын чи райдыдта, уыдонæн. Кредитты хуызы аграрийтæн фæхай кодтой 345 милуан сомæй фылдæр. Уæлдай æргом здахынц, хъæууон хæдзарады алхуызон къабæзтæ парахат кæнынмæ. Афтæмæй, мыггаджы куыст кæнынæн радих кодтой 2 милуан сомæй фылдæр. Кæсаджы куыст кæнынæн - 10 милуан сомы. Фысы дзугтæ егъаудæр кæнæнæн - 12 милуаны. Стуры рæгъæуттæ парахат кæнынæн та - 10 милуан сомы, уæлæмхасæн фæрæзтæй. Уыдонæн та - хизынæн зæххытæ дæр. Сæ иу хай, ис Горæтгæрон районы. Амалхъом адæймаг та у - Цæрикъаты Виктор. Абон йæ зæххыл кусын райдыдта. Сæйрагдæр - нырма разæй ис, фæлæ сабыргай йæ фæндтæ йæ къухы фтынц. Бæлвырддæр нæ дарддæры æрмæджы. ¤ Хъæууон хæдзарадæн æххуыс: 145 милуан сомы - гранттæ (гранты) 345 милуан сомы - кредит (кредитование) 2 милуан сомы - мыггаджы куыст кæнынæн (семеноводства) 10 милуан сомы - кæсаджы куыст кæнынæн (рыбоводств) 12 милуан сомы - фысы куыст кæнынæн (овцеводства) 10 милуан сомы - стуры куыст кæнынæн (поголовья) _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv