Битарты Вячеслав ма фембæлд Сергей Чеботаревимæ

Битарты Вячеслав ма фембæлд Цæгат Кавказы хъуыддæгты фæдыл министр Сергей Чеботаревимæ дæр. Ныхас кодтой 2025-æм азмæ республикæйы социалон-экономикон рæзты программæйыл. Фембæлды ма архайдтой Уæрæсейы президенты цур Цæгат Ирыстоны æххæстбарджын минæвар Дзанайты Барис æмæ Сергей Чеботаревы хæдивджытæ: Одес Байсултанов æмæ Михаил Развожаев. Семæ ныхас кæнгæйæ, республикæйы сæргълæууæг бафиппайдта, Цæгат Ирыстон фæдералон программæтæн федералон бюджетæй сæ аргъы 40% кæй райсдзæн, уый. Куыд зонут, афтæмæй фарон регионы аразын райдыдтой, бонмæ 100 туристы суазæг кæныны фадат кæм ис, ахæм фысымуат. Уымæй уæлдай ма Æрæфы районы Цыколамæ хæстæг фæзындзæн хъæууонхæдзарадон комплекс. Æдæппæтæй дзы фадат уыдзæн 35 - 50 мин тоннæйы хор дарынæн. Уæвгæ та, 2018-æм азы Цæгат Кавказы хъуыддæгты фæдыл министрад æмæ Цæгат Ирыстон бафыстой бадзырд. Йæ домæнтæм гæсгæ нæ республикæйы инвестицион проекттæн субсидитæ радих кæндзысты 200 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv