94 милуан сомæй фылдæр зиан æрхастой Дзæуджыхъæуы администрацийæн

Цауы фæдыл 48 аздзыд цæрæджы ныхмæ байгом кодтой уголовон хъуыддаг. Азымджын æй кæнынц цæстфæлдахæн миты тыххæй, хъусын кæны нæ республикæйы слестгæнæн комитеты разамынд. 2014 азы бахатыд Дзæуджыхъæуы администрацимæ, цæмæй йын Гастеллойы номыл уынджы цы зæххы хай ис, уый хаццоны радтой. Стæй ма дзы цæмæй бæстыхайдæр сараза, уый тыххæй дæр курдиат балæвæрдта. Скодта бардæттæг гæххæттытæ дæр. Администраци йын бар радта, фæлæ уый фæстæ нæлгоймаг бæстыхай срегистраци кодта æмæ зæххы хай йæхи бакодта. Балхæйдта йæ 1 милуан æмæ 580 мин сомæй. Афтæмæй та, зæххы кадарстон аргъ у 96 милуаны æмæ 400 мин сомы. Ныртæккæ аразынц слестгæнæн æмæ опретаивон-агурæн мадзæлттæ, цæмæй хъуыддаджы æууæлтæ иууылдæр бæрæггон æрцæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv