Хуссар Æфсæддон Зылды æфсæддонтæ цæттæ кæнынц Уæлахизы 75 азы юбилеймæ

Хуссар Æфсæддон Зылды æфсæддонтæ сæхи цæттæ кæнын райдыдтой Фыдыбæстæйы Стыр хæсты Уæлахизы 75 азы бонмæ. Æфсæддон зылды хайæдты парадмæ цæттæгæнæн мадзæлттæ ныртæккæ бæстонæй цæуынц. Æфсæддон хайæдтæ архайынц аив къахайстыл. Æфсæддон парадты Хуссар Æфсæддон Зылды архайдзысты 43 мин æфсæддоны. Уыимæ ма сæрмагонд техникæйы 800 иуæджы. Се ’хсæн хæрз нырыккондæр техникæ æмæ, хæсты чи архайдта, ахæмтæ дæр. Фæнд ма кæнынц парадмæ 150 уæлдæфон науы рауадзын. Уымæй уæлдай ма, Хуссар Æфсæддон зылды сгарджытæ мæнг ныхмæлæууæджы æфсæддон объекттæ ныппырх кодтой Хуссар Ирыстоны. 58-æм æфсады сгарæн дæлхайæдты æфсæддонтæ ацыдысы сæрмагонд ахуыртæ. Сгарджыты размæ цы хæстæ æвæрд уыд, уыдон æнтыстджынæй баххæст кодтой. Тохы рæстæг равдыстой сæ æхсар æмæ арæхстдзинад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv