Цæгат Ирыстоны фæлхасгæнджытæ электрон тыхæн дарынц 500 милуан сомæй фылдæр

Цæгат Ирыстоны цæрджыты хæс «ЦæгатКавказЭнергойы»-йы раз 500 милуан сомæй фæфылдæр. Ахæм егъау нымæц рабæрæг ис июлы райдиан.  Афæдзы `рдæгмæ йыл бафтыд 47 милуан сомы. Цæрджыты хæс у алыхуызон. Цалдæр минæй сæдæгай мин сомы онг. Энергетиктæ куыд зæгъынц, афтæмæй цæрджытæй хæс исдзысты закъонмæ гæсгæ. Сæ хъуыддæгтæ сын бадæтдзысты тæрхондонмæ. Уымæй уæлдай ма сæ хицæн кæндзысты хызæгæй. Уæ зæрдыл уын æрлæууын кæндзыстæм, ахæм хуызы `фхæрдæй спайда кæнæн ис, электрон тыхæн дыууæ мæйæ фылдæр хæс куы дарай, уæд. Уымæй уæлдай ма тæрхондонæй уæлæмхасæн уынаффæ нæ хъæудзæн, цæмæй хæс чи дары, уый хызæгæй фæиппæрд кæнай. "ЦæгатКавказЭнерго"-йы разамонæджы бартæ æххæстгæнæг Быгъуылты Сослан куыд зæгъы, афтæмæй хæстæ тыххæй исыны æгъдау сæхи зæрдæмæ дæр нæ цæуы. Йæ фиддон ахицæн кæнын кæй фæнды, фæлæ йæ къух кæмæн нæ амоны, уыцы пайдагæнджытæн фадат ис фиддонты реструктуризацийы лæггæдтæй спайда кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv