Дзæуджыхъæуы 34 æм маршруты шофыртæ алы рейсы фæстæ дæр сæ хæдтулгæтæ дезинфекци кæнынц

128 мин адæймаджы æгас дунейы фæрынчын сты коронавирусæй. Уыдонæй 45 сты Уæрæсейы цæрджытæ. Се`хсæн чи фæмард, ахæмтæ нæй. 3-йæ дзы сдзæбæх сты. Уавæр æвзæры рдæм ма руадзыны тыххæй, аразынц æппæт хъæугæ мадзæлттæ. Уæлдай цæстард цæуы арæнты, уым санитарон уагæвæдтæм райдыдтой лæмбынæгдæр кæсын. Рынчындæтты фидаргонд у сæрмагонд фæткæвæрд. Уæдæ цæрджытæ дæр сæхæдæг се`нæнизднадмæ куыд фæндыйы цæстæй нæ кæсынц. Æххæст кæнынц æдасдзинады домæнтæ. Уæлдай къæрцхъусдæр уæвын хъæуы æхсæнадон бынæтты æмæ транспорты. Уым дæр æнæниздзинады хуымæтæг домæнтæ æххæст кæнынц. Иу ахæм - Дзæуджыхъæуы 34-æм мартшруты. Маршрутыл цы шофыртæ кусынц, уыдон алы рейсы фæстæ дæр лæмбынæгæй дезинфекци кæнынц хæдтулгæтæ. Бæлццæттæ цы бынæттыл æмбæлынц, уыдон ныссæрфынц спъиртæй. Афтæмæй, вирус æрцахсын зындæр у. Самты Георгий, 34-æм маршруты шофыр: «1 мартъийы нæм нæ хицауадæй æрбацыд уынаффæ. Уæдæй абонмæ цалдæр хатты маршруткæйы дезинфекци скæнæм. Стæй, изæрыгон гаражы куы сæмбырд вæййынц æппæт маршруткæтæ дæр, уæд сæ уым дæр иу хатт ма ныссæрфынц. Æппæт дунейы дæр тох кæнынц коронавирусимæ. Мах дæр, нæ бон цы у, уый кæнæм». Се 'нæниздзинадмæ сын афтæ бæрнон цæстæй кæй кæсынц, уый бæлццæттæн дæр æхсызгон у. Куыд зæгъынц, афтæмæй сæхæдæг дæр æнæниздзинады домæнтæ куыд æмбæлы, афтæ æххæст кæнынц. Æдасдзинады домæнтæ æххæст кæнын уæлдай ахсджиаг у. Уымæн æмæ фæстаг рæстæг дунейы парахат кæны вирусы ног хуыз, коронавирус, зæгъгæ. Уымйæйа фæрынчын уæвыны тыххæй хъæуы куыд æмбæлы,афтæ арæхдæр къухтæ æхсын. Стæй, æхсæнадон бынатмæ цæугæйæ медицинон маскъæ дарын. Хуасдзауты Алинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv