Сæрдыгон дзæбæхгæнæн кампани цæуы фæткмæ гæсгæ. Ныридæгæн аххæссыд 11 мин сабийыл. Ахæм бæрæггæнæнтæ фехъусын кодта фæллой æмæ социалон рæзты министр Айдарты Алинæ. Ацы аз баулæфдзысты æмæ се 'нæниздзинад фæфидар кæндзысты 40 мины бæрц сывæллоны. Раздæрау, ацы аз уæлдай æргом здæхт цæуы, зын уавæрты чи ис æмæ уæлæмхасæн социалон æххуыс кæй хъæуы, уыцы бинонтæм, уымæй уæлдай, сæрмагонд æфсæддон операцийы архайджыты сывæллæттæм. Республикæйы улæфынц Запроржье æмæ Белгороды облæсттæй, Донецк æмæ Луганскы адæмон республикæтæй ссæуæг сабитæ. Ахуырад æмæ наукæйы министр Алыбегты Эллæ радзырдта, скъолаты цур лагерты куысты тыххæй. Байгом сæ кодтой 134 ахуырадон уагдоны. Куысты дыууæ фæлтæрмæ аххæссыдысты 14 мины бæрц сывæллоныл. 9 скъолайы кусынц профилон здæхтытæм гæсгæ.